Chara visitadra, char visitader

Bainvegni sin la homepage – bainvegni a la CDGS!

Cun la CDGS èn colliads las recturas ed ils recturs dals gimnasis e da las scolas da maturitad per creschids renconuschidas da la Confederaziun, sco era las Scolas svizras a l’ester. La CDGS represchenta ils interess dals gimnasis sin plaun federal ed interchantunal e sustegna ses commembers en ils chantuns. Ella vul promover l’instrucziun gimnasiala en Svizra, sco era il barat d’ideas e l’infurmaziun vicendaivla da ses commembers en dumondas da la scolaziun gimnasiala, dal svilup d’instrucziun e da scola e da la direcziun da scola.

Vus chattais qua infurmaziuns davart ils gimnasis e la furmaziun gimnasiala en general, però era ina survista davart ils gimnasis en Svizra ed in simpel access a las homepages da las singulas scolas. Là survegnis Vus in’invista dal mund multifar e fascinant, plain vita e dinamica en ils gimnasis e Vus pudais era As infurmar tut concretamain davart cuntegns, organisaziun e manaschi da scola.

Sche Vus giavischais dapli infurmaziuns davart ils gimnasis en general u davart la CDGS, u sche Vus vulessas communitgar impuls u ideas: Contactai directamain mai u in dals auters commembers da la suprastanza –quai ans fa plaschair. 

Gabrielle von Büren-von Moos